مش عارفة ليه الغنوة دي مش سايباني في حالي اليومين دول ....كل شوية اظبط نفسي بدندنها سواء و انا واعية او بطريقة لا ارادية , يمكن عشان نفسي ارجع صغيرة تاني ؟ يمكن و انا صغيرة كنت حاسة بامان اكتر من دلوقتي ؟؟ مش عارفة بس الاغنية دي فيها حاجة حقيقية قوي .. و ما فهمتهاش و حستها قوي كدة غير لما كبرت , عرفت ليه كان بيتحسر قوي كدة على الطفولة , عشان كانت مليانة براءة , و سعادة و كانت من غير مسؤولية . حاجات مفتقداها قوي اليومين دول , كل يوم الحياة اليومية و الشغل و التعامل مع الناس بياخد من الواحد حتةحلوة ما بترجعش تاني , بقيت كارهة الناس , و التعامل معاهم , بقيت عايزة احافظ على شوية الحاجات الحلوة القليلة اللي فاضلالي... و يا ريت اقدر !!!. بقيت بندم على كل لحظة اتمنيت فيها وانا صغيرة اللحظة اللي حكبر فيها . بقيت مش عارفة هي الدنيا اللي بقت وحشة قوي كدة و لا انا الي مش قادرة افهمها . العيب فيها و لا فينا ؟. يا جمااااعة حد يفهمني العيب فيها و لا فينا؟؟؟ دلوقتي مش قادرة افكر غير في الكوبليه اللي بيقول فيه " لما كبرت... قولت ياريت ... ما كنت حلمت و لا اتمنيت ....قولت يا ريتني فضلت صغير .. زي زمان "
زي ما انتو شايفين ...... الاسم مفسر نفسة .. حقول كل في بالي زي ما انا عايزة , بالطريقة اللي انا عايزاها ....قرنبيط, ابو تريكة ,Astronomy , بوليوود, يالييييييل, ......اي حاجة تيجي على بالي ,,, و طبعا محدش يقدر يلوم عليااا .......مش تخاريف .
الثلاثاء، 16 فبراير 2010
من غير عنوان
مش عارفة ليه الغنوة دي مش سايباني في حالي اليومين دول ....كل شوية اظبط نفسي بدندنها سواء و انا واعية او بطريقة لا ارادية , يمكن عشان نفسي ارجع صغيرة تاني ؟ يمكن و انا صغيرة كنت حاسة بامان اكتر من دلوقتي ؟؟ مش عارفة بس الاغنية دي فيها حاجة حقيقية قوي .. و ما فهمتهاش و حستها قوي كدة غير لما كبرت , عرفت ليه كان بيتحسر قوي كدة على الطفولة , عشان كانت مليانة براءة , و سعادة و كانت من غير مسؤولية . حاجات مفتقداها قوي اليومين دول , كل يوم الحياة اليومية و الشغل و التعامل مع الناس بياخد من الواحد حتةحلوة ما بترجعش تاني , بقيت كارهة الناس , و التعامل معاهم , بقيت عايزة احافظ على شوية الحاجات الحلوة القليلة اللي فاضلالي... و يا ريت اقدر !!!. بقيت بندم على كل لحظة اتمنيت فيها وانا صغيرة اللحظة اللي حكبر فيها . بقيت مش عارفة هي الدنيا اللي بقت وحشة قوي كدة و لا انا الي مش قادرة افهمها . العيب فيها و لا فينا ؟. يا جمااااعة حد يفهمني العيب فيها و لا فينا؟؟؟ دلوقتي مش قادرة افكر غير في الكوبليه اللي بيقول فيه " لما كبرت... قولت ياريت ... ما كنت حلمت و لا اتمنيت ....قولت يا ريتني فضلت صغير .. زي زمان "
الاشتراك في:
تعليقات الرسالة (Atom)
والله انا ما مصدقة نفسي... كنت هنزل نفس البوست ونفس الأغنية والله .. سبحان الله
ردحذفتقريباً كلنا بندندن نفس الأغنية يا سبيرنزا وبنحس نفس الإحساس لما نكبر :( ياااااه كلامك ف الصميم والله .. والأغنية كلماتها فعلا معبرة قوووي ... "ياريت ما كنتحلمت ولا اتمنيت" :(
اممممممم... العيب مش في حد... هي سنة الحياة كدة، لازمن نكبر و نتقرف و تطلع عينينا و اهي ماشية... انت بس شكلك مضغوطة اليومين دول... بصي، الدنيا حلاوتها في كدة، حبة فوق، و حبة تحت و حبة بالورب، كدة يعني... يعني لا الطفولة بسذاجتها بتدوم، و لا الخبرة بقرفها بتدوم، و لا حتي الخبرة بحلاوتها بتدوم... استمتعي باي شوية بهججة يجوا في سكتك و لو صدفة و اصبري علي اي شوية قرف يعدوا عليكي و ما تقوليش غير يا رب
ردحذف:)
علياء
ردحذفواضح ان ده عرض عام , و كل الناس بتشتكي من الدنيا , طيب انا نفسي افهم ليه ؟؟ عملنالها ايه وحش و لا عملنا فيها ايه غلط نستاهل عليه الكم المركز ده من الهم .و الله ماعارفة ...ايه ده , انا شكلي بعك في الكلام و لا ايه ؟ استغفر الله العظيم .عموما هو واضح انه قدر لازم نشوفه و ربنا يلهمنا الصبر و الثبات .
اسماء
ردحذفمش عارفة ليه الخبة اللي فوق دول مش ما قابلتهمش من زمان , كل اللي انا شايفاهم اليومين دول هم الخبة اللي تحت و اللي بالورب , و المشكلة اني غبية و مش من النوع اللي بينسى الاوقات الوحشة بسهولة , بتعلم فيا و بتسيب علامة عمرها بتروح .
عارفة بحس ان الحاجات الوحشة اللي بتحصل في حياتنا عاملة زي نقط سودة . كل ما حاجة وحشة تحصل نقطة سودة بتتساب في روحك , خايفة في يوم مالاقيش حاجة حلوة في حياني ارجعلها و واعرف اكمل بيها بقية عمري .. ده اذا كان لعمري بقية .انا عارفة اني قلباها غم قوي بس ده اللي انا حاسة بيه و كان لازم اطلعهم يمكن ...؟ بس زي ما قلتي احنا مالناش غير ربنا , و اوعدك اول ما حقابل بهججة دي حمسك فيها باديا و سناني اصلها وحشاني قوي.
فين بوستاتك الجديدة الجميلة يا جميل انت :) ؟
ردحذفوفينك مش بنشوفك يعني؟
برضه لازم أعدي واسلم :)
ردحذفبحس براحة ف مدونتك والله :)
دامت مفتوحة لزوارها يارب :)