من غير عنوان

مش عارفة ليه الغنوة دي مش سايباني في حالي اليومين دول ....كل شوية اظبط نفسي بدندنها سواء و انا واعية او بطريقة لا ارادية , يمكن عشان نفسي ارجع صغيرة تاني ؟ يمكن و انا صغيرة كنت حاسة بامان اكتر من دلوقتي ؟؟ مش عارفة بس الاغنية دي فيها حاجة حقيقية قوي .. و ما فهمتهاش و حستها قوي كدة غير لما كبرت , عرفت ليه كان بيتحسر قوي كدة على الطفولة , عشان كانت مليانة براءة , و سعادة و كانت من غير مسؤولية . حاجات مفتقداها قوي اليومين دول , كل يوم الحياة اليومية و الشغل و التعامل مع الناس بياخد من الواحد حتةحلوة ما بترجعش تاني , بقيت كارهة الناس , و التعامل معاهم , بقيت عايزة احافظ على شوية الحاجات الحلوة القليلة اللي فاضلالي... و يا ريت اقدر !!!. بقيت بندم على كل لحظة اتمنيت فيها وانا صغيرة اللحظة اللي حكبر فيها . بقيت مش عارفة هي الدنيا اللي بقت وحشة قوي كدة و لا انا الي مش قادرة افهمها . العيب فيها و لا فينا ؟. يا جمااااعة حد يفهمني العيب فيها و لا فينا؟؟؟ دلوقتي مش قادرة افكر غير في الكوبليه اللي بيقول فيه " لما كبرت... قولت ياريت ... ما كنت حلمت و لا اتمنيت ....قولت يا ريتني فضلت صغير .. زي زمان "

لعله خير يا مولاي

في المشروع الماضي , قمنا بعمل بحث ميداني بالقرى التي طبقنا فيها المشروع قبل بدايتة كوسيلة لتحديد احتياجات هذه القرية من الخدمات ,وكان معنا فريق من الباحثين من القاهرة , و كنا نقوم بملئ استمارات مع اهالي القرية و المستفيدين , و في كثير من الاحيان لم تكن الامور تسري كما هو متوقع , فيتاخر هذا و يعتذر هذا , و ينسحب هذا , مم كان يكلفنا الكثير من الوقت و المجهود , و كان هذا الشيئ يثير غضبي جدا لاني بطبعتي ملتزمة جدا في عملي و لا احب التهاون او الاهمال باي شكل من الاشكال ,و كل مرة كنت اشتكي من اهمال او لا مبالاة الناس كان احد الباحثين يهدئني و يقول لي " اهدي اهدي , لعله خير يا مولاي " تكررت هذه المقولة اكثر من مرة , فاستوقفته مرة و سالته " قوللي يا ا\ محمد(هذا اسمه) ..ايه حكاية لعله خير يا مولاي دي؟؟"قاللي بصي يا ستي ....

قديما كان هناك ملك و كان له وزير حكيم و مؤمن بالله ايمان حقيقي, و كان مؤمن ان اي شيئ يحدث هو من عند الله و ان اي شيئ من عند الله فهو خير , و كلما حدث شيئ سيئ للملك كان يقول الوزير للملك " لعله خير يا مولاي " و لكن الملك لم يكن ينصت له وبدات هذه العبارة تثير غضب الملك .
و في يوم من الايام كان الملك ووزيرة في رحلة صيد بالغابة و حدثت له حادثة قطعت فيها اصبعه , فهاج الملك و اخذ يصرخ و يتالم , فبدا الوزير الحكيم يهدئة و يهون علية و قال له " خيرا خيرا يا مولاي , لعله خيرا يا مولاي اهدا" و عندما سمع الملك هذه العبارة صب كامل غضبه على الوزير و صرخ فيه " اي خير قد ياتي لي من قطع اصبعي ايها الغبي " "ايها الحرس احبسوه" فرد الوزير" سمعا و طاعة فلعله خير لي يا مولاي ".

و في يوم من الايام كان الملك يتجول في الغابة وحده , فاذا بقبيلة من القبائل الوثنية التي تسكن الغابة تنقض عليه و تختطفه و هم لا يعلمون انه الملك , فقدموه لكبيرهم , فامرهم بتجهيزه لتقديمه قربانا لالهتهم ...حزن الملك حزنا شديدا و بدا في البكاء , فبداو في تفقده و تجهيزه فاكتشفوا اصبعة الناقص , فاخبروا كبيرهم , فصرخ فيهم " ايها الاغبياء اتريدون ان تصب علينا الالهة غضبها , كيف نقدم لالهتنا قربانا ناقصا ؟؟ اتركوة فليس منه نفعا لنا ..

دهش الملك و تذكر على الفور وزيرة الحكيم , تعجب كيف كان اصبعة الغالي سببا في انقاذ حياته . و فور عودته امر باطلاق سراح وريرة الحكيم و احضارة له على الفور , و عندما قابلة شكرة و اعتذر منه و حكى له ما حدث ,و قال له" الان فقط اقتنعت لماذا كنت دائما تقول لي "لعله خير يا مولاي ,و لكن قلي يا وزيري الحكيم , عندما امرت بسجنك ايضا قلت لعله خيرا يا مولاي ,, كيف كان السجن خيرا لك؟؟فرد الوزير " لو لم تحبسني يا مولاي لكنت معك عندما كنت في جولتك في الغابة و لكنت اختطفت معك , و عندما كنت انت لا تصلح ان تكون قربانا لكنت انا اصلح ان اكون قربانا و لضاعت حياتي هباءا , الم يكن السجن خير لي يا مولااااي؟؟

Doutful Mind

NOTHING is taken for granted any more .....EVERY THING is doubtful .

لقاء

سكنت الكلمات فؤادي
وضلت الحروف بعقلي
وعجزت عن وصف احلامي
حين ألتقت عيناك بعينى
فعاد السكون يملأ دارى
بعيداً عن صخب الليالى
فيا من أعاد الدفء لأيامى
وملكت بهمساتك أشواقي
لا ترحل عن زماني
سئمت وحدتى وأحزانى
وودعت أحزانى وآلامى
حينما أزالت يداك دموعى
يا من أصبح هواه ملاذي
إبقى ساكنا بوطنى
فلقاءك هذا حلم حياتي
وأمل عالقا بذهنى
منذ ميلادي

احبك

كم تمنيت أن أقولها
واصرخ بها ليسمعها كل البشر
والطير والحجر

كم تمنيت أن تشعر بها
وان ترددها كما ارددها ليل نهار

ليتني أستطيع أن اكتبها ..
وعلى جدران قلبك
أحفرها

ليت إحساسي حبراً .. وسماك ورقاً ..
وعلى قمرك أرسمها


كم تمنيت أن يكون حبي وردة ..
تستيقظ على عطرها
كم تمنيت أن يكون حبي ضمة ..
تعيش بين أحضانها
كم تمنيت أن يكون حبي قصة ..
يهيم حلمك بها....


لو كان القلب ينطق .. لنطق بإسمك
لو كانت العين تنطق .. لنطقت برسمك
لو كانت اليد تنطق ..



لو كانت اليد تنطق .. لنطقت بأمان لمسك
ولكن ليس لي إلا .. شفاه .. لا تستطيع سوى أن
تقول أحبك...
أحبك بكل ما أملك ..
ولا أملك يا عمري سوى حبك

وحشتني

يا ترى ايه اللي واخدك مني يا قلبي بقالك كتير مش باين.....انت كويس و لا اللي بينا عليك هاين

يمكن ظروفك اقوى منك و انا وحشاك قوي ...اصلك قولتلي مش هايخدني منك الا الشديد القوي

فاكر؟؟؟

قولتلي كتير بحبك و حياتي من غيرك ما تسواش ....و لو خسرنك حياتي من بعدك ما تتعاش

صدقتك و قولتلك ياريت...يكون كلامك ده من قلبك دا انا ياما قبلك بكيت

مش حستحمل جرح تاني و مش بسهوله هنساك... اصلك علمت فيا و روحي متعلقة في هواك

بس اوعى تكون عايز تفارق و مني مستنيها ...و لو عندك ظروف شوف طريقة فهمني بيها

لانك بجد وحشتني و دماغي بتودي و تجيب ...طمني عليك و قولي يا اما بحبك يا اما ...حامشي و اسيب

رسالة ترحيب

زي ما انتو شايفين ...... الاسم مفسر نفسة .. حقول كل اللي في بالي زي ما انا عايزة , بالطريقة اللي انا عايزاها ....قرنبيط, ابو تريكة ,Astronomy , بوليوود, يالييييييل, ......اي حاجة تيجي على بالي ,,, و طبعا محدش يقدر يلوم عليااا .......مش تخاريف .