زي ما انتو شايفين ...... الاسم مفسر نفسة .. حقول كل في بالي زي ما انا عايزة , بالطريقة اللي انا عايزاها ....قرنبيط, ابو تريكة ,Astronomy , بوليوود, يالييييييل, ......اي حاجة تيجي على بالي ,,, و طبعا محدش يقدر يلوم عليااا .......مش تخاريف .
الأربعاء، 9 ديسمبر 2009
وحشتني
يا ترى ايه اللي واخدك مني يا قلبي بقالك كتير مش باين.....انت كويس و لا اللي بينا عليك هاين
يمكن ظروفك اقوى منك و انا وحشاك قوي ...اصلك قولتلي مش هايخدني منك الا الشديد القوي
فاكر؟؟؟
قولتلي كتير بحبك و حياتي من غيرك ما تسواش ....و لو خسرنك حياتي من بعدك ما تتعاش
صدقتك و قولتلك ياريت...يكون كلامك ده من قلبك دا انا ياما قبلك بكيت
مش حستحمل جرح تاني و مش بسهوله هنساك... اصلك علمت فيا و روحي متعلقة في هواك
بس اوعى تكون عايز تفارق و مني مستنيها ...و لو عندك ظروف شوف طريقة فهمني بيها
لانك بجد وحشتني و دماغي بتودي و تجيب ...طمني عليك و قولي يا اما بحبك يا اما ...حامشي و اسيب
الاشتراك في:
تعليقات الرسالة (Atom)
يا اما بحبك يا اما هامشي و اسيب؟
ردحذفايه الموضووووع بقي؟ الجرعة دي اوفردووووز لازمن اعرف، و انتي عارفاني مش هاهدي و لا هارتاح غير لما اجيب قرار الموضوع ده و افهم ايه العبارة و ايه لغة السواقين اللي انا باتكلم بيها دي، حاجة غريبة و الله!
عموما انا ما اعرفش منك الجنب ده و انا اتفاجئت بيكي بصراحة... اكتبي اكتبي بقي خليني اعرفك بحق و حقيييييييق
:)
و انا تايهة عنك بردو يا ابلة ازولد دا كنتي كرومبو الجامعة , بس الحكاية ده تحديدا مش تبعي ده موضوع واحدة صحبتي مع خطيبها اتاثرت قوي و كتبت الموضوع ده ...ايه الرغي ده لما اكلمك ابقة احكيلك كل حاجة المهم انها عجبتك.
ردحذف